Ədliyyə naziri Fərid Əhmədov avqustun 7-də Lerik rayonunda vətəndaş qəbulu keçirib.
Ədliyyə Nazirliyinin məlumatına görə, qəbul zamanı Astara, Lerik, Lənkəran, Masallı, Yardımlı və Cəlilabad rayonlarından ümumilikdə 152 vətəndaşın ədliyyə fəaliyyəti, eləcə də ədliyyə orqanlarında işə qəbul ilə bağlı müraciətləri dinlənilib.
Müraciətlərdə qaldırılan məsələlərin bir qismi yerindəcə müsbət həll olunub.
Əlavə araşdırma tələb edən müraciətlərlə bağlı isə Nazirliyin aidiyyəti struktur bölmələrinin rəhbərlərinə qanunvericiliyin tələblərinə uyğun tədbirlər görülməsi barədə tapşırıqlar verilib.
