Rusiya ilə Belarus arasındakı Qomel sərhəd-keçid məntəqəsində ticari yük maşınlarına dron hücumu edilib.
Ukraynanın hücumu nəticəsində məntəqədə gözləyən bir neçə yük maşınına zərbə dəyib və onlar yanmağa başlayıb. Hadisə zamanı ərazidə olan türk tır sürücüləri hücum anlarını mobil telefon kameraları ilə qeydə alıblar.
Görüntülərdə yük maşınlarının yanaraq tamamilə yararsız vəziyyətə düşdüyü, ərazidə ciddi dağıntıların baş verdiyi görünür.
Hücum zamanı böyük panika yaşayan türk sürücülər hadisənin dəhşətli anlarını lentə alaraq ərazidən uzaqlaşmağa çalışdıqlarını bildiriblər. Onlar öz avtomobillərinə zərər dəymədiyini və səhhətlərinin yaxşı olduğunu qeyd ediblər.
Məlumata görə, hücum nəticəsində ölən və yaralananlar var. Onların İran və Belarus vətəndaşları olduğu bildirilir.
