Bu gün Füzuli Şəhəri Günüdür.
Füzuli şəhəri 2020-ci il oktyabrın 17-də Ermənistan Silahlı Qüvvələrinin işğalından azad edilib. Prezident İlham Əliyevin 2023-cü il iyulun 31-də imzaladığı Sərəncama əsasən, hər il oktyabrın 17-si Füzuli Şəhəri Günü kimi qeyd olunur.
Füzulinin azad edilməsi İkinci Qarabağ müharibəsinin cənub-şərq cəbhəsində mühüm hərbi uğurlardan biri olub. Şəhər istiqamətində Ermənistan Silahlı Qüvvələrinin müdafiə xətlərinin yarılması Azərbaycan Ordusuna strateji üstünlük qazandırıb.
Döyüşlər zamanı Azərbaycan hərbçiləri torpaqların azadlığı uğrunda şücaət və qəhrəmanlıq nümayiş etdiriblər.
