Rusiya Prezidenti Vladimir Putin Moskvanın Ukrayna ilə sülh danışıqlarına yalnız “yerdəki reallıqlar” əsasında hazır olduğunu bildirib.
Putin bu barədə jurnalist Pavel Zarubinə müsahibəsində danışıb. O, hazırda Ukrayna tərəfdən münaqişənin həlli ilə bağlı səsləndirilən bəzi təkliflərin Moskva üçün qəbuledilməz olduğunu deyib.
Rusiya Prezidenti Ukraynanın Rusiya ərazisinə və iqtisadi infrastrukturuna endirdiyi zərbələrin münaqişənin gedişində dönüş yaratmadığını iddia edib.
Putinin sözlərinə görə, buna cavab olaraq Rusiya Ukraynanın, o cümlədən Kiyevin iqtisadi və hərbi-sənaye obyektlərinə zərbələri artırıb. O, bu hücumların Ukraynanın hərbi potensialının zəiflədilməsinə yönəldiyini bildirib.
