Prezident İlham Əliyev sentyabrın 26-da Beynəlxalq Avtomobil Federasiyasının (FIA) prezidenti Məhəmməd Ben Sulayemi qəbul edib.
Görüşdə Bakıda hər il olduğu kimi, bu dəfə də Formula-1 yarışlarının yüksək səviyyədə təşkil edildiyi qeyd olunub.
Söhbət zamanı Formula-1 yarışlarının Azərbaycanın turizm potensialının təbliği baxımından əhəmiyyəti vurğulanıb.
Qeyd edək ki, sentyabrın 26-da Bakı şəhər halqasında Formula-1 Azərbaycan Qran-prisinin əsas yarışı keçirilir. Prezident İlham Əliyev və birinci xanım Mehriban Əliyeva yarışı izləyiblər.
