Lənkəran rayonunda avtomobil yol kənarında kiçik ticarətlə məşğul olan şəxsi vuraraq öldürüb.
“Report” xəbər agentliyinin məlumatına görə, hadisə rayonun Vilvan kəndi ərazisində baş verib.
Hərəkətdə olan “Opel Astra” markalı avtomobil idarəetmədən çıxaraq yol kənarında kiçik ticarətlə məşğul olan kənd sakini, 1986-cı il təvəllüdlü Turab İlham oğlu Şərifovu vurub.
Yaralı ətrafdakıların köməyi ilə Lənkəran Rayon Mərkəzi Xəstəxanasına çatdırılıb. Lakin həkiməqədər onun öldüyü müəyyən edilib.
Faktla bağlı araşdırma aparılır.
