İranın ali lideri Müctəba Xamenei ABŞ və İsraillə davam edən hərbi qarşıdurma başa çatana qədər ictimaiyyət qarşısına çıxmayacaq. Bu barədə, Rusiyanın “TASS” xəbər agentliyi öz mənbələrinə istinadən xəbər yayıb.
TASS-ın məlumatına görə, bu qərar təhlükəsizlik mülahizələri əsasında qəbul edilib. Hakimiyyət hesab edir ki, ali liderin ictimai tədbirlərdə iştirakı yalnız bölgədə vəziyyət sabitləşdikdən sonra mümkün olacaq.
Məlumata əsasən, davam edən hərbi eskalasiya fonunda Xameneinin təhlükəsizliyinin təmin edilməsi məqsədilə onun bütün ictimai tədbirləri təxirə salınıb.
Qeyd edək ki, son günlər ABŞ və İsrailin İrana qarşı həyata keçirdiyi hərbi əməliyyatlar, eləcə də Tehranın cavab zərbələri regionda gərginliyi daha da artırıb.
