Azad olunmuş ərazilərdə iyul ayı ərzində 8 012,7 hektar sahə mina və partlamamış hərbi sursatlardan təmizlənib.
Azərbaycan Minatəmizləmə Agentliyinin (ANAMA) aylıq hesabatına əsasən, bu müddətdə 174 tank əleyhinə mina, 614 piyada əleyhinə mina və 2 106 partlamamış hərbi sursat (PHS) aşkarlanaraq zərərsizləşdirilib.
Məlumata görə, minatəmizləmə əməliyyatları ANAMA, Müdafiə Nazirliyi, Fövqəladə Hallar Nazirliyi (FHN), beş yerli təşkilat və bir qeyri-hökumət təşkilatı tərəfindən həyata keçirilib.
Əməliyyatlar Tərtər, Ağdərə, Kəlbəcər, Ağdam, Xocalı, Xankəndi, Şuşa, Xocavənd, Laçın, Füzuli, Cəbrayıl, Qubadlı və Zəngilan rayonları, həmçinin Qazax rayonunun işğaldan azad edilmiş Bağanıs Ayrım, Aşağı Əskipara, Xeyrımlı və Qızılhacılı kəndlərini əhatə edib.
