Bu gün Xankəndidə 28 minə yaxın insan yaşayır və işləyir.
Xankəndi, Ağdərə və Xocalı rayonlarında Azərbaycan Respublikası Prezidentinin xüsusi nümayəndəsi Elçin Yusubov diplomatik korpusun nümayəndələri ilə görüşündə bildirib ki, keçmiş məcburi köçkünlərin Xankəndiyə qayıdışı davam edir.
Onun sözlərinə görə, hazırda Qarabağ Universitetində 3 mindən çox tələbə təhsil alır. Bu, şəhərin ümumi əhalisinin 10 faizindən çoxunu təşkil edir.
E.Yusubov qeyd edib ki, Xankəndidə yeni yaşayış binaları və parklar salınır, müasir tələblərə uyğun yollar çəkilir. Şəhərin görünüşünə və müasir şəhərsalma standartlarına uyğun olmayan tikililərin sökülməsi də sürətləndirilib.
