Azad edilmiş ərazilərdə oktyabrın 19-dan 25-dək 164 mina və 526 partlamamış hərbi sursat (PHS) aşkarlanaraq zərərsizləşdirilib.
Bu barədə Azərbaycan Minatəmizləmə Agentliyinin (ANAMA) həftəlik məlumatında bildirilib.
Hesabat dövründə 42 tank əleyhinə mina, 122 piyada əleyhinə mina və 526 partlamamış hərbi sursat zərərsizləşdirilib. Ümumilikdə, 997 hektar ərazi minalardan təmizlənib.
Minatəmizləmə əməliyyatlarını ANAMA, Müdafiə Nazirliyi, Fövqəladə Hallar Nazirliyi, beş yerli təşkilat və bir qeyri-hökumət təşkilatı həyata keçirib.
Əməliyyatlar Tərtər, Ağdərə, Kəlbəcər, Ağdam, Xocalı, Xankəndi, Şuşa, Xocavənd, Laçın, Füzuli, Cəbrayıl, Qubadlı və Zəngilan ərazilərində, eləcə də Qazax rayonunun işğaldan azad edilmiş Bağanıs Ayrım, Aşağı Əskipara, Xeyrımlı və Qızılhacılı kəndlərində aparılıb.
