Rusiyanın ötən sutka ərzində Ukraynanın Xarkov və Sumı vilayətlərinə endirdiyi zərbələr nəticəsində 2 nəfər həlak olub, 7-si uşaq olmaqla 25 nəfər yaralanıb.
Xarkov Vilayət Hərbi Administrasiyasının rəhbəri Oleq Sinequbovun sözlərinə görə, Rusiya Silahlı Qüvvələri raketlər, idarəolunan aviasiya bombaları və müxtəlif tipli pilotsuz uçuş aparatlarından istifadə etməklə Xarkov şəhəri və vilayətin 29 yaşayış məntəqəsinə hücum edib.
Nəticədə 2 nəfər ölüb, 5-i uşaq olmaqla 18 nəfər xəsarət alıb.
Ukrayna Milli Polisi isə Sumı vilayətində son bir sutka ərzində 2-si uşaq olmaqla 7 nəfərin yaralandığını açıqlayıb.
