İsmayıllının Topçu kəndi ərazisində avtomobil və motosikletin iştirakı ilə baş verən ağır yol-nəqliyyat hadisəsi üç nəfərin ölümü ilə nəticələnib. Bu barədə “APA” xəbər agentliyi məlumat yayıb.
Fövqəladə Hallar Nazirliyindən xəbər agentliyinə bildirilib ki, qəza barədə daxil olan məlumat əsasında əraziyə xilasedicilər cəlb olunub. Hadisə yerində “Opel” markalı minik avtomobili ilə “Honda” markalı motosikletin toqquşduğu müəyyən edilib.
Qəza zamanı motosiklet sürücüsü deformasiyaya uğramış nəqliyyat vasitəsində sıxılı vəziyyətdə qalıb. Xilasedicilər xüsusi vasitələrin köməyi ilə onun meyitini çıxararaq aidiyyəti üzrə təhvil veriblər.
Qəza nəticəsində ümumilikdə 3 nəfər həyatını itirib. Faktla bağlı araşdırma aparılır.
