Rusiya Kalininqrad vilayətinin ölkənin digər ərazilərindən təcrid edilməsinə cəhd göstəriləcəyi təqdirdə nüvə silahından istifadə imkanının nəzərdən keçiriləcəyini bildirib.
Reuters-in məlumatına görə, Moskvanın NATO-ya göndərdiyi qeyri-rəsmi diplomatik sənəddə Rusiyanın Kalininqrad vilayətini ölkənin qalan hissəsindən təcrid etmək cəhdinə qarşı ərazisini müdafiə etmək üçün nüvə silahları da daxil olmaqla, sərəncamında olan bütün qüvvə və vasitələrdən istifadə etməyə hazır olduğu qeyd olunub.
Sənəddə NATO-nun Kalininqradla bağlı mümkün hərəkətlərinin birbaşa silahlı qarşıdurma riskini artıra biləcəyi bildirilib.
NATO isə Rusiyanın bu açıqlamasını nüvə ritorikası kimi qiymətləndirərək, alyansın müdafiə xarakterli olduğunu və keçirdiyi təlimlərin Rusiyanın hər hansı hissəsinə təhlükə yaratmadığını bildirib.
