Erməni Apostol Kilsəsinin rəhbəri II Qareginə qarşı açılmış cinayət işinə baxan hakim Akop Manukyan işin icraatından imtina edərək özünə etiraz qərarı verib.
Vəkil Ara Zohrabyan bildirib ki, hakim əvvəllər vəkil kimi fəaliyyət göstərib və onun lisenziyasını vaxtilə özü təqdim edib. Bu səbəbdən prosesin qərəzsizliyinə dair şübhələrin yaranmaması üçün hakim işdən kənarlaşmaq qərarı verib.
Ermənistan və erməni kilsəsinin tarixində ilk dəfə olaraq bütün ermənilərin katolikosu II Qaregin və Ali Ruhani Şuranın altı üzvü avqustun 7-də Armavir vilayətinin ümumi yurisdiksiyalı birinci instansiya məhkəməsində hakim qarşısına çıxır.
Qeyd edək ki, II Qareginə qarşı cinayət işi bu ilin fevralında başlanılıb və onun ölkədən çıxışına qadağa qoyulub. İş sabiq din xadimi Arman Saroyanın vəzifəsinə bərpası ilə bağlı məhkəmə qərarının icra edilməməsi ittihamı əsasında açılıb.
Müxalifətdə təmsil olunan “Güclü Ermənistan” və “Ermənistan” fraksiyalarının deputatları isə məhkəmə günü parlament iclasını boykot edərək II Qaregin və digər ruhanilərə dəstək məqsədilə məhkəmədə iştirak edəcəklərini açıqlayıblar.
