İran və Oman Hörmüz boğazından gəmilərin keçidi ilə bağlı danışıqlarda irəliləyiş əldə ediblər.
İran Xarici İşlər Nazirliyinin sözçüsü İsmayıl Bəqai bildirib ki, Tehran və Maskat arasında məsləhətləşmələr “müsbət və konstruktiv” atmosferdə davam edir.
Onun sözlərinə görə, tərəflər boğazdan keçəcək marşrutları müəyyən edən xəritə ilə bağlı razılığa gəliblər. Bununla yanaşı, tərəflərin birgə bəyanatında əks olunacaq texniki məsələlər hələ dəqiqləşdirilir.
Bu arada, B ABŞ-ni danışıqlar prosesinə maneələr yaratmaqda ittiham edib.
Qeyd edək ki, İran və Oman arasında danışıqlar Hörmüz boğazı ətrafında gərginliyin davam etdiyi bir vaxtda aparılır. Tehran daha əvvəl strateji su yolunun tam açılması üçün ABŞ-nin bir sıra şərtləri yerinə yetirməli olduğunu açıqlayıb.
İran xarici işlər nazirinin müavini Kazım Qəribabadi avqustun 5-də danışıqların yekun mərhələyə daxil olduğunu və iki-dörd ay müddətində qüvvədə ola biləcək müvəqqəti marşrutun yaradılmasının müzakirə edildiyini bildirib.
İranın xarici işlər naziri Abbas Əraqçi də Tehran və Maskatın yeni qaydalar üzrə razılaşmaya yaxın olduğunu açıqlayıb. O qeyd edib ki, Hörmüz boğazının açılması ABŞ-nin İranın irəli sürdüyü digər şərtləri yerinə yetirməsindən asılı olacaq.
Xatırladaq ki, Hörmüz boğazı enerji resurslarının dünya bazarlarına daşınması üçün əsas dəniz marşrutlarından biridir. Bu səbəbdən boğazda gəmiçiliyin vəziyyəti beynəlxalq bazarlar və qlobal enerji təhlükəsizliyi baxımından mühüm əhəmiyyət daşıyır.
