Türkiyədə Cümhuriyyət Xalq Partiyasının (CHP) idarə etdiyi Ankaranın Etimesgut bələdiyyəsinə qarşı korrupsiya istintaqı çərçivəsində xüsusi əməliyyat keçirilib.
“Haber Global”ın verdiyi məlumata görə, səhər saatlarında həyata keçirilən əməliyyat zamanı bələdiyyə sədri Erdal Beşikçioğlu da daxil olmaqla ümumilikdə 55 nəfər nəzarətə alınıb.
Bildirilib ki, saxlanılan şəxslərlə bağlı hüquqi prosedurlar davam edir.
Məlumata əsasən, istintaq bələdiyyənin keçirdiyi bir sıra tenderlər və fəaliyyətində qanunsuzluq iddiaları əsasında başlanıb.
Qeyd edək ki, saxlanılan Erdal Beşikçioğlu Türkiyədə tanınmış aktyor kimi də tanınır.
