Fransada narkotik testləri müsbət çıxan bəzi dövlət məmurları vəzifələrindən uzaqlaşdırılıb.
“Paris Match”in məlumatına görə, bunu Baş nazir Sebastyan Lekornyu təsdiqləyib. O, işdən çıxarılanların sayını və hansı qurumlarda çalışdıqlarını açıqlamayıb.
Baş nazir bildirib ki, dövlət aparatında bu cür yoxlamalar gələcəkdə də davam etdiriləcək. Onun sözlərinə görə, bu addım dövlət qurumlarında çalışan və məxfi məlumatlarla işləyən əməkdaşların üzərinə düşən məsuliyyət nəzərə alınaraq atılıb.
Lekornyu vurğulayıb ki, qadağan olunmuş maddələrdən istifadə təhlükəsizlik baxımından risk yaradır.
Qeyd edək ki, Fransa mediası hökumət əməkdaşları arasında narkotik testlərinin keçirilməsi barədə ilk dəfə iyunun ortalarında məlumat yaymışdı.
