Futbol üzrə dünya çempionatının ikinci yarımfinalında Argentina dramatik qələbə qazanaraq finala vəsiqə əldə edib.
Atlanta stadionunda keçirilən qarşılaşmada Cənubi Amerika təmsilçisi İngiltərəni 2:1 hesabı ilə məğlub edib.
Matçda hesabı 55-ci dəqiqədə Entoni Qordon açaraq İngiltərəni önə çıxarıb. Lakin “tanqoçular” oyunun sonlarında möhtəşəm geri dönüş ediblər. Əvvəlcə 85-ci dəqiqədə Enzo Fernandes hesabı bərabərləşdirib, 90+2-ci dəqiqədə isə Lautaro Martines qələbə qolunu vurub.
Beləliklə, Argentina finalda İspaniya ilə qarşılaşacaq. İngiltərə isə üçüncü yer uğrunda oyunda Fransa ilə üz-üzə gələcək.
