Ötən həftə Fövqəladə Hallar Nazirliyinin (FHN) qüvvələri tərəfindən 442 yanğına çıxış edilib.
FHN-dən bildirilib ki, “112” qaynar telefon xəttinə daxil olan zənglər əsasında həftə ərzində 54 köməksiz vəziyyətdə qalma və 3 avtonəqliyyat qəzası faktı üzrə də qəza-xilasetmə əməliyyatları həyata keçirilib.
Görülən təxirəsalınmaz tədbirlər nəticəsində yanğınlar operativ şəkildə söndürülüb və insanların həyatının xilas edilməsi təmin olunub.
Ümumilikdə, həftə ərzində 20-si azyaşlı olmaqla 62 nəfər xilas edilib. Müxtəlif hadisələrlə əlaqədar 11 nəfərin meyiti aidiyyəti üzrə təhvil verilib.
