Ermənistanın ikinci prezidenti Robert Köçəryan saxlanılıb.
Məlumata görə, sabiq prezident Korrupsiyaya Qarşı Mübarizə Komitəsinə aparılıb. Ermənistanın Antikorrupsiya Komitəsi isə cinayət işi üzrə onlarla ünvanda axtarışlar və digər prosessual hərəkətlərin keçirildiyini açıqlayıb.
Bildirilib ki, vergi xidməti Köçəryanlar ailəsinə məxsus “Toyota” avtomobil salonunu möhürləyib. Həmçinin “Oranj fitnes” idman kompleksində istintaq hərəkətləri həyata keçirilir.
Səhər saatlarından etibarən Robert Köçəryanın oğlu Levon Köçəryanın evində də axtarışlar aparılıb.
Bundan başqa, Ermənistanın sabiq prezidentinin digər oğlu Sedrak Köçəryanın da saxlanıldığı bildirilib.
Antikorrupsiya Komitəsindən qeyd olunub ki, zərurət yarandıqda cinayət işi çərçivəsində aparılan istintaq tədbirləri ilə bağlı əlavə məlumat veriləcək.
