ABŞ Prezidenti Donald Trampın administrasiyası ölkədə sığınacaq almaq üçün müraciət etmiş 200 minədək əcnəbinin iş və turist vizalarını ləğv etməyə hazırlaşır. Bu addım həyata keçirilərsə, ABŞ tarixində ən böyük kütləvi viza ləğvi olacaq.
ABŞ Dövlət Departamenti Daxili Təhlükəsizlik Nazirliyi ilə koordinasiyalı şəkildə 2016–2026-cı illərdə verilmiş B1 və B2 vizalarının ləğvini nəzərdən keçirir. Söhbət ABŞ-yə iş və turizm məqsədilə qısamüddətli səfərlər üçün verilən qeyri-immiqrant vizalardan gedir.
Dövlət Departamentinin nümayəndəsi Tommi Piqott bildirib ki, qurum ABŞ-yə qısamüddətli səfər etdikdən sonra sığınacaq üçün müraciət edən əcnəbilərin qeyri-immiqrant vizalarının müəyyənləşdirilməsi və ləğvi üzərində işləyir.
Bununla belə, Piqott ləğv edilə biləcək vizaların dəqiq sayını açıqlamayıb. 200 minədək rəqəmi Associated Press Dövlət Departamentinin sənədlərinə və ABŞ rəsmilərinə istinadən açıqlayıb.
Qeyd olunur ki, vizaların ləğvi həmin şəxslərin avtomatik olaraq dərhal deportasiya ediləcəyi anlamına gəlmir.
