Lənkəranda dələduzluq yolu ilə vətəndaşların 150 min manatdan artıq vəsaitini ələ keçirməkdə şübhəli bilinən H.Məmmədov saxlanılıb.
Araşdırmalar zamanı müəyyən edilib ki, H.Məmmədov zərərçəkmiş şəxslərə müxtəlif qurumlarda tanışlarının olduğunu deyərək onları təqaüdlə təmin etmək, yüksək maaşlı işə düzəltmək və digər vədlərlə aldadıb. Bu yolla vətəndaşların ümumilikdə 150 min manatdan artıq pulunu ələ keçirib.
Faktla bağlı cinayət işi başlanılıb. H.Məmmədov barəsində məhkəmənin qərarı ilə həbs qətimkan tədbiri seçilib.
Araşdırmalar davam etdirilir.
