Dünya Bankı Nepalın Rasuva rayonunda baş vermiş dağıdıcı daşqınların fəsadlarının aradan qaldırılması üçün təcili yardım məqsədilə 25 milyard Nepal rupisinə (təxminən 262 milyon ABŞ dolları) qədər vəsait ayırmağı planlaşdırır.
Məlumata görə, bu barədə Dünya Bankının Nepal üzrə direktoru Devid Sislen ölkənin maliyyə naziri Svarnim Vaqle ilə görüşdə bildirib.
Bundan əlavə, ABŞ daşqınlardan zərər çəkmiş icmalara yardım üçün 500 min dollar ayırıb. ABŞ Dövlət Departamentinin məlumatına görə, vəsait “Catholic Relief Services” təşkilatı ilə qlobal saziş çərçivəsində təqdim ediləcək.
Yardımın müvəqqəti sığınacaqların yaradılmasına, ilkin tələbat mallarının, həmçinin su təchizatı, kanalizasiya və gigiyena xidmətlərinin təmin edilməsinə yönəldiləcəyi bildirilib.
