İpoteka və Kredit Zəmanət Fondu (İKZF) satmaq öhdəliyi ilə kirayə mexanizmi çərçivəsində Abşeron rayonunun Saray qəsəbəsində yerləşən 204 yeni, tam təmirli mənzili vətəndaşlara təqdim edib.
Fondun məlumatına görə, Məhəmməd Əsədov küçəsində yerləşən yaşayış sahələri 1, 2 və 3 otaqlıdır. Mənzillər üzrə aylıq ödəniş məbləği 620 manatdan başlayır.
Yeni mənzillərin seçimi avqustun 12-də saat 15:00-dan etibarən açıq olacaq. Müraciətlər və mənzil seçimi Elektron Hökumət İnformasiya Sisteminə inteqrasiya edilmiş “Elektron ipoteka və kredit zəmanət” sistemi üzərindən aparılacaq.
Şəffaflığın və təhlükəsizliyin təmin edilməsi məqsədilə yaşayış sahələrinin seçimi SİMA biometrik identifikasiya üsulu ilə həyata keçiriləcək.
