2026–2027-ci tədris ili üzrə 10-cu sinif şagirdləri üçün elektron yerdəyişmə prosesinə başlanılır.
Məktəbəqədər və Ümumi Təhsil üzrə Dövlət Agentliyinin (MÜTDA) məlumatına görə, proses 27 avqust saat 15:00-dan etibarən başlayacaq.
Şagirdlərin elektron yerdəyişməsi sy.edu.az portalı vasitəsilə həyata keçiriləcək.
Qeyd edək ki, 20 avqust saat 15:00-dan etibarən 2026–2027-ci tədris ili üzrə 2–9-cu və 11-ci sinif şagirdlərini əhatə edən elektron yerdəyişmə prosesi davam edir.
İnternetə çıxış imkanı olmayan vətəndaşlar yerdəyişmə prosesi ilə bağlı Agentliyin və təhsilin yerli idarəetmə bölmələrinin çağrı mərkəzlərinə, Agentliyin Vətəndaşlara Xidmət Mərkəzinə, eləcə də “ASAN xidmət” mərkəzlərinə müraciət edə bilərlər.
