Bu gün Azərbaycanda Radio və Televiziya İşçilərinin Peşə Bayramı Günüdür.
1926-cı il noyabrın 6-da Azərbaycanda ilk dəfə radio verilişlərinin yayımına başlanılıb. Həmin gün Bakının küçə və meydanlarında quraşdırılmış reproduktorlardan ilk dəfə “Danışır Bakı” ifadəsi səslənib.
Azərbaycan Televiziyasının fəaliyyətə başlamasından sonra bu tarix təkcə radionun deyil, televiziya və radionun yaranma günü kimi də qeyd olunmağa başlayıb.
1956-cı il fevralın 14-də Bakı Televiziya Studiyası ilk dəfə efirə çıxıb. İlk yayım günü ekranda görkəmli aktrisa Nəcibə Məlikova çıxış edərək sözlərinə “Göstərir Bakı” ifadəsi ilə başlayıb. Həmin gün televiziyada “Bəxtiyar” bədii filmi nümayiş etdirilib.
