Baş Dövlət Yol Polisi İdarəsi (BDYPİ) əlverişsiz hava şəraiti ilə əlaqədar sürücüləri yollarda daha diqqətli olmağa çağırıb.
Sürücülərə yağışlı havada sürəti yol və hava şəraitinə uyğun seçmək, ara məsafəsini artırmaq, kəskin manevrlər və qəfil tormozlamadan çəkinmək tövsiyə olunub.
Güclü külək zamanı yük, qoşqulu və tentli nəqliyyat vasitələrinin sürücüləri küləyin avtomobilin hərəkətinə təsirini nəzərə almalıdırlar.
İntensiv yağıntı nəticəsində su basmış və ya sel təhlükəsi olan ərazilərə daxil olmamaq, yol məhdudiyyətlərinə və polis əməkdaşlarının göstərişlərinə əməl etmək vacibdir.
