Sabah Bakıda və Abşeron yarımadasında, eləcə də Azərbaycanın bir sıra bölgələrində güclü külək əsəcək.
Milli Hidrometeorologiya Xidməti bununla bağlı sarı və narıncı xəbərdarlıq yayıb.
Bakıda və Abşeron yarımadasında sarı xəbərdarlığa uyğun olaraq şimal-şərq küləyi əsəcək. Naxçıvan, Göygöl, Gəncə, Samux, Ağstafa, Qazax, Daşkəsən, Tovuz, Şəmkir, Xızı, Xaçmaz, Şabran, Siyəzən, Qobustan, Şirvan, Hacıqabul, Neftçala, Ağdam, Mingəçevir, Yevlax, Tərtər, Bərdə, Biləsuvar, Salyan, Cəlilabad, Masallı, Yardımlı, Lerik və Cəbrayılda isə şərq küləyi əsəcək.
Bu ərazilərdə küləyin sürətinin 13,9-20,7 m/san olacağı gözlənilir.
Goranboy, Naftalan, Culfa və Ordubadda narıncı xəbərdarlığa uyğun olaraq şərq küləyi əsəcək. Bu rayonlarda küləyin sürəti 20,8-28,4 m/san-dək güclənəcək.
