Bakıda keçirilən qadın voleybolu üzrə Avropa çempionatının C qrupunda daha iki görüş baş tutub.
Belçika millisi İspaniya yığmasını 3:2 hesabı ilə məğlub edib. Setlər üzrə hesab 25:15, 18:25, 23:25, 25:17, 15:8 olub.
Digər qarşılaşmada Niderland seçməsi Rumıniya üzərində 3:2 hesablı qələbə qazanıb. Bu oyunda setlər 25:21, 26:28, 25:15, 22:25, 15:9 hesabı ilə başa çatıb.
Qeyd edək ki, C qrupunun oyunları avqustun 28-dək Bakıda yerləşən Milli Gimnastika Arenasında keçiriləcək. Qrupda Azərbaycan, Belçika, Niderland, Portuqaliya, Rumıniya və İspaniya milliləri mübarizə aparır.
Azərbaycan millisi isə turnirdəki ilk oyununda Portuqaliyanı 3:1 hesabı ilə məğlub edib.
