“Bakı Metropoliteni” QSC yaxın illərdə 9 yeni metro stansiyasının tikintisinə başlamağı planlaşdırır.
Qurumun mətbuat xidmətinin rəhbəri Bəxtiyar Məmmədovun sözlərinə görə, hazırda layihə ilə bağlı hazırlıq işləri və danışıqlar davam edir.
Yeni stansiyalardan 5-i “Bənövşəyi”, 4-ü isə “Yaşıl” xətt üzrə inşa olunacaq. Yaxın vaxtlarda tikinti ilə bağlı müsabiqə elan ediləcək, qalib şirkətlər müəyyənləşdirildikdən sonra işlərə start veriləcək.
Məlumata görə, stansiyaların tikintisinə gələn ildən başlanması, bütün layihənin isə 2030-cu ilədək başa çatdırılması planlaşdırılır.
