Elm və Təhsil Nazirliyi məktəbəqədər təhsil sahəsində valideyn-dövlət-özəl əməkdaşlığına əsaslanan maliyyələşmə modeli üzrə müsabiqə elan edib.
Nazirlər Kabinetinin müvafiq qərarının icrası çərçivəsində keçirilən müsabiqənin məqsədi 2026/2027-ci tədris ilində məktəbəqədər təhsilin əhatə dairəsini genişləndirməkdir.
Müsabiqədə məktəbəqədər təhsil fəaliyyəti üçün lisenziyası olan özəl təhsil müəssisələri iştirak edə bilərlər.
Sənəd qəbulu avqustun 5-dən 20-dək nazirliyin müvafiq elektron platforması üzərindən aparılacaq.
Qeyd edək ki, müsabiqə çərçivəsində 2026/2027-ci tədris ili ərzində özəl məktəbəqədər təhsil müəssisələrində 8 min uşağın təhsilinin maliyyələşdirilməsi nəzərdə tutulur.
