Bakının Binəqədi rayonunda 14 yaşı tamam olmayan qızla münasibətdə olan 18 yaşlı oğlan cinayət məsuliyyətinə cəlb edilib.
Məlumata görə, yetkinlik yaşına çatmayan qızın hamilə olduğu müəyyənləşib. O, hamiləliyin altıncı ayında ölü döl dünyaya gətirib. Bundan sonra faktla bağlı araşdırma aparılıb və cinayət işi məhkəməyə göndərilib.
Məhkəmədə əməldə zorakılıq olmadığı müəyyən edilib. Nəticədə şəxs Azərbaycan Respublikası Cinayət Məcəlləsinin 152.2-ci maddəsi ilə təqsirli bilinərək 4 il müddətinə azadlıqdan məhrum edilib.
Qeyd edək ki, Cinayət Məcəlləsinin 152.2-ci maddəsi 14 yaşına çatmayan şəxslə cinsi əlaqədə olma və ya seksual xarakterli digər hərəkətlərə görə 3 ildən 6 ilədək azadlıqdan məhrumetmə cəzası nəzərdə tutur.
