17 yaşlı qız sentyabrın 20-də keçirilməsi planlaşdırılan toyundan əvvəl sığınacağa müraciət edib.
Bu barədə “Azərbaycan Uşaqları” İctimai Birliyinin sədri Kəmalə Ağazadə sosial şəbəkə hesabında paylaşım edib.
Birlik sədrinin sözlərinə görə, qızın ailəsi cehiz almaq üçün “Sədərək” Ticarət Mərkəzinə gedib. Bu zaman 17 yaşlı qız taksiyə minərək sığınacağa gəlib.
Kəmalə Ağazadə bildirib ki, qız taksi sürücüsünə pulunun olmadığını və onu sığınacağa aparmasını istəyib.
Xatırladaq ki, Kəmalə Ağazadə “Azərbaycan Uşaqları” İctimai Birliyinin sədridir.
