2026-cı ilin yanvar-iyun aylarında Azərbaycanın Ermənistana ixrac etdiyi məhsulların dəyəri 17 milyon 128,6 min ABŞ dolları təşkil edib.
Bu barədə Azərbaycan Dövlət Statistika Komitəsindən məlumat verilib.
Məlumata görə, eyni dövrdə Ermənistandan Azərbaycana dolayı idxalın həcmi cəmi 960 ABŞ dolları olub. İyun ayında isə bu ölkədən Azərbaycana heç bir idxal həyata keçirilməyib.
Ümumilikdə, cari ilin ilk altı ayında Azərbaycanın xarici ticarət dövriyyəsi 24 milyard 661 milyon ABŞ dollarına çatıb ki, bu da ötən ilin eyni dövrü ilə müqayisədə 1,1 faiz çoxdur.
Hesabat dövründə ixrac 16 milyard 320 milyon dollar, idxal isə 8 milyard 341 milyon dollar təşkil edib. Bir il ərzində ixrac 26,7 faiz artıb, idxal isə 27,6 faiz azalıb.
Nəticədə Azərbaycanın xarici ticarətində müsbət saldo 5,9 dəfə artaraq 7 milyard 979 milyon ABŞ dollarına yüksəlib.
