Bakının Xətai rayonunun Əhmədli qəsəbəsi ərazisində yerləşən ərzaq satışı köşkündə yanğın baş verib.
Hadisə yerinə Fövqəladə Hallar Nazirliyinin Dövlət Yanğından Mühafizə Xidmətinin qüvvələri cəlb olunub. Yanğın genişlənməsinə imkan verilmədən söndürülüb.
Yanğın nəticəsində ümumi sahəsi 20 kvadratmetr olan köşkün içərisində yataq dəsti qismən yanıb. Yanğın yerinə baxış zamanı 1968-ci il təvəllüdlü Ağayar Əliyevin meyiti aşkar edilib.
Köşk yanğından mühafizə olunub. Hadisə ilə bağlı araşdırma aparılır.
