Bu gün Bakı Metropoliteninin fəaliyyətə başlamasından 59 il ötür.
1967-ci il noyabrın 6-da Bakıda 5 stansiyadan ibarət, uzunluğu 9,2 kilometr olan ilk yeraltı xətt istifadəyə verilib. Həmin vaxt fəaliyyətə başlayan stansiyalar indiki “İçərişəhər”, “Sahil”, “28 May”, “Gənclik” və “Nəriman Nərimanov” stansiyalarıdır.
Bu gün Bakı Metropoliteni şəhərin nəqliyyat sisteminin əsas hissələrindən biri kimi fəaliyyət göstərir. Sərnişinlərə daha çevik, rahat və təhlükəsiz xidmət göstərilməsi istiqamətində işlər davam etdirilir.
2030-cu ilədək Bakı Metropoliteninin şəbəkəsinin əhəmiyyətli dərəcədə genişləndirilməsi nəzərdə tutulur. Proqrama əsasən, 10 yeni stansiyanın və bir yeni elektrik deposunun tikilərək istifadəyə verilməsi planlaşdırılır.
