Bakı Konqres Mərkəzində heç bir yanğın hadisəsi qeydə alınmayıb.
Fövqəladə Hallar Nazirliyinin məlumatına görə, hazırda FHN qüvvələri Bakı Konqres Mərkəzində keçirilən beynəlxalq tədbirlə əlaqədar əraziyə cəlb olunub.
Nazirlikdən bildirilib ki, mərkəzin mətbəx sahəsində havalandırma sistemi işə düşüb. Vəziyyət tam nəzarət altındadır və narahatlıq üçün əsas yoxdur.
Qeyd edək ki, sosial şəbəkələrdə Bakı Konqres Mərkəzində tüstülənmə olduğuna dair görüntülər yayılıb.
