“Sabah” bu gün UEFA Çempionlar Liqasının pley-off mərhələsində “Hapoel”ə (Beer-Şeva) qarşı cavab oyununa çıxacaq.
Valdas Dambrauskasın baş məşqçisi olduğu komanda İsrail təmsilçisi ilə Tofiq Bəhramov adına Respublika stadionunda, saat 20:45-də qarşılaşacaq.
Görüşü rumıniyalı FIFA referisi İştvan Kovaç idarə edəcək.
Komandalar arasında avqustun 19-da Rumıniyanın paytaxtı Buxarestdə keçirilən ilk oyunda “Hapoel” 2:1 hesabı ilə qalib gəlib. Buna görə “Sabah” cavab görüşündə bir qolluq fərqi aradan qaldırmağa çalışacaq.
