Bu gün Rusiyadan Ermənistana Azərbaycandan tranzit keçməklə növbəti taxıl tədarükü həyata keçiriləcək.
11 vaqondan ibarət qatarla 1 108 ton buğda, 4 vaqonla isə 273 ton arpa daşınacaq. Yüklər “Azərbaycan Dəmir Yolları” QSC-nin Biləcəri stansiyasından Böyük Kəsik istiqamətinə göndəriləcək.
İndiyədək Rusiyadan Ermənistana Azərbaycan ərazisindən tranzit keçməklə 47 min tondan çox taxıl, təxminən 9 min ton gübrə, 1 136 ton propan, 133 ton alüminium, 1 114 ton kömür və 67 ton taxta göndərilib.
Bundan başqa, Azərbaycan indiyədək Ermənistana təxminən 15 min ton dizel yanacağı, eləcə də 5 min tona yaxın Aİ-92 və Aİ-95 markalı benzin ixrac edib.
