Azərbaycanın əksər ərazilərində yağıntılı və küləkli hava şəraiti müşahidə olunur. Bəzi yerlərdə leysan xarakterli intensiv yağış yağır, şimşək çaxır.
Qrız, Xınalıq, Qusar və Şahdağda qar yağır. Bakıda və Abşeron yarımadasında 31 millimetr yağıntı qeydə alınıb ki, bu da aylıq normanın 110 faizinə bərabərdir.
Oxşar xəbərlər
Ən çox yağıntı Qəbələdə 72, Lənkəranda 56, Sarıbaşda 50, Oğuzda 41, Xaltanda 37, Kişçayda 36, Şahdağda 33, Astarada 29, Qusarda 28, Xınalıqda və Zaqatalada 27 millimetr qeydə alınıb. Digər rayonlarda yağıntının miqdarı 1-25 millimetr arasında dəyişir.
Bəzi ərazilərdə şimal-qərb küləyi əsir. Küləyin maksimal sürəti Neftçalada 23, Bakıda və Abşeron yarımadasında 22, Şahdağda isə 20 m/s-dək güclənib.
