Suriyadan Azərbaycana repatriasiya olunan daha 16 nəfər Əmək və Əhalinin Sosial Müdafiəsi Nazirliyinin tabeliyindəki Sosial Xidmətlər Agentliyinin müvafiq sosial xidmət müəssisəsinə yerləşdirilib.
Nazirlikdən bildirilib ki, repatriasiya olunanlardan 9-u uşaq, 7-si isə qadındır. Onlara ilkin tibbi və sosial-psixoloji yardım göstərilib.
Qeyd olunub ki, reabilitasiya prosesi başa çatdıqdan sonra vətəndaşlar evlərinə yola salınacaq. Növbəti mərhələdə Agentliyin sosial işçiləri və psixoloqları onların yaşadıqları ünvanlara gedərək sosial qiymətləndirmə aparacaqlar.
Məlumata görə, son illərdə Sosial Xidmətlər Agentliyi ölkəyə repatriasiya edilmiş 600-dən çox şəxsi sosial reabilitasiya xidmətlərinə cəlb edib. Hazırda isə 84 repatriantla sosial reabilitasiya işi davam etdirilir.
