Azərbaycanda avqustun 21-də havanın temperaturunun 36 dərəcəyədək yüksələcəyi gözlənilir.
Bakıda və Abşeron yarımadasında hava dəyişkən buludlu, əsasən yağmursuz olacaq. Şimal-qərb küləyi arabir güclənəcək.
Havanın temperaturu gecə 22–25°, gündüz 28–32° isti olacaq. Atmosfer təzyiqi 762 mm civə sütunu təşkil edəcək.
Azərbaycanın rayonlarında bəzi yerlərdə arabir yağış yağacağı, ayrı-ayrı ərazilərdə yağıntının qısamüddətli leysan xarakterli olacağı və şimşək çaxacağı ehtimal edilir. Gündüz yağıntılar tədricən kəsiləcək. Gecə və səhər bəzi dağlıq ərazilərdə duman müşahidə olunacaq.
Rayonlarda temperatur gecə 20–25°, gündüz 31–36° isti, dağlıq ərazilərdə isə gecə 13–18°, gündüz 20–25° isti olacaq.
