Oktyabrın 22-də Bakıda və Abşeron yarımadasında hava dəyişkən buludlu olacaq. Gün ərzində əsasən yağmursuz hava şəraiti gözlənilsə də, axşam bəzi yerlərdə qısamüddətli yağış yağacağı ehtimalı var. Şimal-şərq küləyi əsəcək.
Havanın temperaturu gecə 16-18°, gündüz 20-24° isti olacaq. Atmosfer təzyiqi 766 mm civə sütunu, nisbi rütubət isə 65-75 faiz təşkil edəcək.
Rayonlarda hava necə olacaq?
Azərbaycanın rayonlarında bəzi yerlərdə arabir yağış yağacağı gözlənilir. Ayrı-ayrı ərazilərdə leysan xarakterli intensiv və güclü yağış, şimşək və dolu ehtimalı var. Yüksək dağlıq ərazilərdə qar yağacağı, gecə və səhər bəzi yerlərdə duman olacağı bildirilir. Mülayim şərq küləyi əsəcək.
Havanın temperaturu gecə 14-17°, gündüz 20-25° isti olacaq. Dağlıq ərazilərdə gecə 7-12°, gündüz 12-17° isti proqnozlaşdırılır.
