Beyləqanda sürücü elektrik cərəyanı vurması nəticəsində həyatını itirib.
Hadisə rayonun Təzəkənd kəndində baş verib. Bolsulu kənd sakini Məhəmməd Səfərəliyevin idarə etdiyi “VAZ-2107” markalı avtomobil yol kənarındakı elektrik dirəyinə çırpılıb.
Zərbənin təsirindən dirək aşaraq avtomobilin üzərinə düşüb. Sürücü maşından çıxmaq istəyərkən onu elektrik cərəyanı vurub və o, hadisə yerində ölüb.
Faktla bağlı araşdırma aparılır.
