Rusiyalı müğənni Alla Puqaçova ictimaiyyət qarşısına əsa ilə çıxmasının səbəbindən danışıb.
77 yaşlı sənətçi “Laima Rendezvous Jurmala” festivalının bağlanış mərasimində yıxıldığını və nəticədə ayağı ilə çanaq oynağını sındırdığını bildirib.
Puqaçovanın sözlərinə görə, o, dörd ay ərzində demək olar ki, hərəkətsiz qalıb və bir daha ayağa qalxa bilməyəcəyindən ehtiyat edib. Müğənni bu müddətdə təşviş pozuntusu keçirdiyini, həkimlərin isə bərpa prosesinin altı aya qədər davam edə biləcəyini dediyini qeyd edib. O bildirib ki, psixoloqun dəstəyi sayəsində bu çətin dövrü geridə qoya bilib.
Hazırda tədbirlərdə iştirakını bərpa edən sənətçi özünü daha güvənli hiss etmək üçün əsadan istifadə etdiyini vurğulayıb.
