Dünya bazarında “Azeri Light” markalı Azərbaycan neftinin qiyməti kəskin enib.
Neft bazarındakı mənbənin məlumatına görə, Azərbaycan neftinin bir bareli 7,15 ABŞ dolları və ya 6,95 % ucuzlaşaraq 95,58 ABŞ dollarına düşüb.
Hərracların nəticələrinə əsasən, “Brent” markalı neftin sentyabr fyuçersləri 90,55 ABŞ dolları səviyyəsində ticarət olunub.
Türkiyənin Ceyhan limanında FOB bazasında “Azeri Light” markalı neftin bir barelinin qiyməti isə 7,27 ABŞ dolları və ya 7,4 % azalaraq 91,48 ABŞ dolları təşkil edib.
Qeyd edək ki, Azərbaycanın 2026-cı il dövlət büdcəsində neftin baza qiyməti bir barel üçün 65 ABŞ dolları götürülüb.
