ABŞ-nin son hücumları zamanı İrana endirilən zərbələr nəticəsində ölənlərin sayı 38-ə yüksəlib.
Bu barədə İran Səhiyyə Nazirliyinin mətbuat xidmətinin rəhbəri Hüseyn Kermanpur “X” sosial şəbəkəsində məlumat verib.
Onun sözlərinə görə, hücumlar nəticəsində 400-dən çox insan yaralanıb, həlak olanların sayı isə 38 nəfərə çatıb.
Kermanpur bildirib ki, ölənlər arasında 3 qadın və 1 uşaq var. Yaralananlar arasında isə 22 qadın və 9 uşaq olduğu qeyd edilib.
