“Toplum TV” işi üzrə cinayət işində təqsirləndirilən Akif Qurbanov 15 il, Ələsgər Məmmədli 14 il, Ruslan İzzətli 15 il, Ramil Babayev 13 il, Əli Zeynalov 14 il, Müşfiq Cabbarov 13 il, İlkin Əmrahov 13 il, Fərid İsmayılov 12 il, Elmir Abbasov isə 12 il müddətinə azadlıqdan məhrum edilib.
Hökm Bakı Ağır Cinayətlər Məhkəməsində hakim Azər Tağıyevin sədrliyi ilə elan olunub. Qərara əsasən, Elmir Abbasov məhkəmə zalında həbs edilib.
Dövlət ittihamçısı Akif Qurbanovun 16 il, Ələsgər Məmmədlinin 15 il, Ruslan İzzətlinin 16 il, Ramil Babayevin 14 il, Əli Zeynalovun 15 il, Müşfiq Cabbarovun 14 il, İlkin Əmrahovun 14 il, Fərid İsmayılovun 13 il, Elmir Abbasovun isə 13 il azadlıqdan məhrum edilməsini, həmçinin Elmir Abbasovun məhkəmə zalında həbs olunmasını istəmişdi.
Xatırladaq ki, 2024-cü il martın 6-da “Toplum TV”nin ofisində və digər ünvanlarda əməliyyat keçirilib. Təqsirləndirilən şəxslər Cinayət Məcəlləsinin 206.3.2-ci (qaçaqmalçılıq, qabaqcadan əlbir olan bir qrup şəxs tərəfindən törədildikdə) maddəsi ilə ittiham olunublar.
