Azərbaycanda məktəblərdə TikTok platformasına çıxış məhdudlaşdırılıb.
Bunu elm və təhsil nazirinin müavini Firudin Qurbanov “Rəqəmsal dövrdə ailə: transformasiyanın yeni sərhədləri” mövzusunda keçirilən Ailə Forumunda deyib.
Nazir müavininin sözlərinə görə, cinayət, narkotik və zorakılıq məzmunu daşıyan 200-dən çox görüntüyə də məhdudiyyət tətbiq olunub.
“200-dən çox zərərli kontentləri özündə əks etdirən görüntülərə də məhdudiyyət tətbiq olunub. Həmin görüntülər cinayət, narkotik, şiddət və s. məzmunlar daşıyırdı. Təbii ki, bu məhdudlaşma təkcə məktəblə bitməməlidir. Ailədə də uşaqların bu kimi məzmunlardan və platformalardan uzaq durmasına nəzarət edilməlidir”, – Firudin Qurbanov bildirib.
