Azərbaycan Türkiyənin 31 vətəndaşını “arzuolunmaz şəxslər” siyahısına daxil edib. Həmin şəxslərin ölkə ərazisinə girişinə qadağa qoyulub.
Azərbaycan Xarici İşlər Nazirliyinin məlumatına görə, qərar həmin şəxslərin sosial şəbəkələrdə və internet platformalarında Azərbaycanın suverenliyinə, milli təhlükəsizliyinə, konstitusiya quruluşuna, xalqına və rəhbərliyinə qarşı yönəlmiş açıqlamaları nəzərə alınaraq qəbul edilib.
Bildirilib ki, onların açıqlamalarında hakimiyyətin zorla dəyişdirilməsinə çağırışlar, dini radikalizm zəminində zorakılıq, dini nifrət və düşmənçiliyin qızışdırılması ilə bağlı məqamlar da olub.
Arzuolunmaz şəxslər siyahısına daxil edilən Türkiyə vətəndaşları:
Ahmet Barış İyison – İyison Medya şirkətinin və Gazeteciabi layihəsinin rəhbəri
Cem Özyurt – bloger
Akın Duru – TV8 və Acunmedya əməkdaşı
Dursun Eker – jurnalist, File Prodüksiyon Hizmetleri
Adem Özköse – jurnalist, siyasi analitik və yazıçı
Muhammed Emin Yıldırım – “Köklü Değişim” jurnalının və media qrupunun İstanbul təmsilçisi
Cüneyt Sezer – bloger, sosioloq, publisist və siyasi analitik
Serhat Koyuncu – ictimai xadim
Mikail Ayyıldız – dini yazar və araşdırmaçı
Ahi Aratoğlu – araşdırmaçı yazar, şair və sosioloq
Muharrem Çavuş – AK Parti Boğaziçi Gençlik Kollarının 2020–2025-ci illərdəki sədri
Fatih Erbakan – Yeniden Refah Partiyasının sədri
Yahya Uğraş – HÜDA PAR-ın sədr müavini
Aydın Binboğa – iqtisadçı və siyasətçi
Hakkı Eren – “Köklü Değişim” jurnalının əməkdaşı
Sait Seyitoğlu – HÜDA PAR-ın Batman üzrə maliyyə və inzibati işlər şöbəsinin rəhbəri
Mehmet Boynukalın – Marmara Universitetinin ilahiyyat professoru, Ayasofya məscidinin imam-xətibi
Okan Aytaş – jurnalist, Finansopia Medya şirkətinin sahibi
Mert Armağan – jurnalist
Yaşar Yavuz – Yeni Şafak və Diriliş Postası nəşrlərinin, həmçinin Referans jurnalının jurnalisti
Ahmet Sırrı Arvas – şair, jurnalist və yazıçı
Yusuf Kaplan – yazıçı və jurnalist
Erdinc Teğmen – Erte Medya şirkətinin sahibi
Ahmet Çakar – idman şərhçisi, keçmiş futbol hakimi
Halil Atakan Ay – ilahiyyatçı
İsmail Kılıçarslan – TV NET və “Yeni Şafak” qəzetinin əməkdaşı
Murat Şahin – Akit TV-də proqram aparıcısı
İrfan Kaya Ülger – Akit TV-də proqram aparıcısı
Fatin Dağistanlı – Akit TV-də proqram aparıcısı
Ömer Ulutaş – Toprak Partiyasının sədri
Ömer Faruk Gergerlioğlu – millət vəkili
XİN vurğulayıb ki, Azərbaycana qarşı çağırışlara və düşmənçiliyi təşviq edən fəaliyyətlərə cavab olaraq bundan sonra da müvafiq tədbirlər görüləcək.
